A step higher, a feeling deeper!

Lakshya woh nahi,
Jise paane ki taakat ho.
Lakshya toh woh ho,
Jo sapne sa lagey.

Chaah usey paane ki nahi,
Jo aasani se mil jaaye.
Chaah humesha usey paane ki,
Jise paane ki koi aas na ho.

Darr uss bure waqt ka nahi,
Jo bin bulaaye aa jae.
Darr uss bure waqt ka,
Jiske aane ki pehle se khabar ho.

Dard uss pyaar ke bichadne ka nahi,
Jo kabhi aaya hi nahi.
Dard uss pyaar se bichadne ka ,
Jo aakar laut gaya.

Dil uss rishte se nahi toota,
Jo kabhi bana hi na ho.
Dil uss rishte se toota,
Jo ban kar bhi choot gaya.

Gum uss khwaab ke tootne ka nahi,
Joh khwaab sirf dekha tha.
Gum uss khwaab ke tootne ka,
Jis khwaab ko jiya tha.